MPUMALANGA. – ‘n Motorfiets wat Vrydag omstreeks 04:00 by ‘n huis in Emalahleni (Witbank) gesteel is, is in ‘n sinkhuis (shack) in die Coronation- informele nedersetting teruggevind.
Kol. Donald Mdhluli sê blitspatrollie en Tracker Connect het saamgewerk en die gesteelde motorfiets omstreeks 06:30 dieselfde oggend teruggevind. Inligting het na die informele nedersetting in Witbank gelei. Tydens ‘n soektog in die area is die motorfiets toegesluit in die sinkhuis gevind.
Geen inhegtenisneming is gemaak nie, maar die ondersoek duur voort.
