Lees ook: Solidariteit skik met regering oor twee Bela-klousules
President Cyril Ramaphosa se kantoor het in ’n verklaring gesê president Ramaphosa neem kennis van die skikking tussen die minister van basiese onderwys en Solidariteit oor twee klousules van die Bela-wet.
Vincent Magwenya, woordvoerder van die presidensie, het egter gesê die skikking het geen invloed op die president se mag om ’n besluit oor die klousules te neem nie.
Die skikking het ook geen invloed op die besprekings wat tans oor die klousules aan die gang is nie.
Ramaphosa het weer bevestig partye het drie maande om voorstelle oor die klousules in te dien en dat hy na die drie maande sal besluit wanneer die Bela-wet ingestel en die nodige regulasies gefinaliseer word.
Bronne: Die Presidensie
Lees ook: Solidariteit skik met regering oor twee Bela-klousules
