NOORDWES. – ‘n Pa (26) en ma (21) het Dinsdag op aanklagte van beweerde verwaarlosing van ‘n kind, 14 maande, in die Klerksdorp-landdroshof verskyn.
Kol. Adéle Myburgh sê die polisie is Maandagoggend uitgeroep na ‘n huis in Tigane, in Hartbeesfontein. ‘n Huilende babadogter is alleen voor in die erf aangetref. Die voorlopige ondersoek het aangedui die ouers het na bewering die baba alleen tuis gelaat en is na ‘n nabygeleë kroeg. Die ma het glo later die pa gestuur om die baba te gaan haal, maar hy is na bewering deur ‘n onbekende persoon gejaag en het die baba in die straat gelos.
Myburgh sê die ouers is na die polisiestasie toe nadat hulle nie die baba kon opspoor nie. Hulle is dadelik in hegtenis geneem.
Die departement van maatskaplike ontwikkeling het die baba in die sorg van ‘n familielid geplaas.
Beide ouers van Tigane, naby Harbeesfontein, is op R300 elk borg vrygestel, terwyl die saak tot 5 Februarie 2025 uitgestel is
