KWAZULU-NATAL. – ‘n Meisie (4) is vanmiddag (Vrydag) beseer, toe ‘n Toyota Quantum-minibus in Trenance Park bo-oor haar gery het.
Reaction Unit South Africa (Rusa) sê dié diens is omstreeks 12:15 vir hulp na die toneel ontbied. Die bestuurder van die taxi het passasiers in Cottonrylaan afgelaai. Hy het aan Rusa-reaksiebeamptes gesê hy kon voel toe die taxi oor die meisie ry en het dadelik gestop. Hy het met die meisie na die nabygeleë Trenance Park-kliniek gehaas.
Rusa sê volgens die taxibestuurder het hy ‘n groep kinders, sonder toesig, in die pad sien speel en het nie besef een het afgedwaal en reg voor die taxi in geloop nie.
Het jy kommentaar oor die berig? Jy kan nou aan Nuusflits lesersbriewe skryf en dalk word joune gepubliseer. Rig jou brief aan die redakteur by [email protected]
