GAUTENG. – ‘n Deursoeking-en-beslagleggingsoperasie is Dinsdag deur die Valke se eenheid vir ernstige korrupsie by die Pretoria-hooggeregshof uitgevoer. ‘n Ondersoek is begin nadat ‘n saak in Maart by die Valke aangemeld is.
Kol. Katlego Mogale van die Valke sê volgens inligting hou die operasie verband met bewerings dat ‘n werknemer by die hof onwettig bedrieglike kennisgewings van mosie uitgereik het. Die werknemer sou glo hierdie dokumente aan buitelanders sonder geldige dokumentasie voorsien, met die doel om hul deportasie na hul lande van herkoms te verhoed. Verskeie items is vir verdere ondersoek gekonfiskeer.
Mogale bevestig die aksie is op een kantoor en ‘n individu gefokus wat vermoedelik sentraal tot die uitvoering van die misdrywe is.
Het jy kommentaar oor die berig? Jy kan nou aan Nuusflits lesersbriewe skryf en dalk word joune gepubliseer. Rig jou brief aan die redakteur by [email protected]
