KAMBODJA. – Drie mense is Vrydag dood en verskeie ander is beseer na die Angkor Wat-tempelkompleks in Kambodja deur weerlig getref is.
Lees ook: Vier dood en 20 beseer toe voertuigbom in Pakistan ontplof
Mense het in die omgewing van die hooftempel geskuil toe weerlig die kompleks getref het.
Verskeie mense is na ‘n hospitaal geneem vir behandeling. Owerhede het nog geen inligting oor die voorval vrygestel nie, maar ’n amptenaar het anoniem aan The Associated Press gesê die drie slagoffers was almal van Kambodja.
Die Kambodjaanse minister van toerisme, Hout Hak, het Saterdag gesê mense moet ophou sosialemediaplasings oor die voorval maak, want dit “versprei negatiewe inligting” wat die land se toerismesektor kan skaad.
Bronne: Euronews, The Independent, CBS News
Lees ook: Vier dood en 20 beseer toe voertuigbom in Pakistan ontplof
