GAUTENG. – Milano Jayson Tlali word sedert 30 Junie vermis. Die polisie het ‘n dringende beroep op die publiek gedoen om te help om hom op te spoor.
Volgens die inligting wat deur die polisie bekend gemaak is, is Milano laas gesien waar hy buite naby Glenroy in Moffatview, Johannesburg, gespeel het. Hy het ten tyde van sy verdwyning ‘n blou baadjie en groen Springbok-broek aangehad. Milano het bruin oë, swart hare en is klein van postuur.
Enigiemand met inligting wat kan help om hom op te spoor, word versoek om die Moffatview-polisie se ondersoekbeampte by 082 461 5825 te bel.
