VRYSTAAT. – ‘n Wit Fiat is Dinsdag omstreeks 10:00 in Rocklands van sy eienaar gekaap, waarna lede van die polisie se provinsiale teen-bende-eenheid van Bloemfontein dit binne 40 minute teruggekry het.
Sers. Mahlomola Kareli sê lede van die eenheid het die voertuig omstreeks 10:35 opgemerk terwyl hulle op patrollie was. Die voertuig is agtervolg, waarna die bestuurder dit op die kruising van Moseme- en Thaka Lekwalastraat net so gelos en te voet gevlug het.
Kareli sê die verdagte bestuurder word gesoek. ‘n Kapingsaak is deur die voertuig se wettige eienaar by die Kagisanong-polisie oopgemaak.
Het jy kommentaar oor die berig? Jy kan nou aan Nuusflits lesersbriewe skryf en dalk word joune gepubliseer. Rig jou brief aan die redakteur by [email protected]
