Mila Guy en Bennie Fourie se babaseun is Dinsdag in die Mediclinic Louis Leipoldt in Bellville gebore. Die egpaar het die aankondiging trots op sosiale media gedeel.
“Karoo BCG Fourie is 7 Januarie 2025 gebore. Hy weeg 3,4 kg en is 52 cm lank. Hierdie mamma en pappa is bitter trots. Ons is reg vir die volgende avontuur saam met die mannetjie, God se genade en seën en seun is groot. Dankie vir almal se liefde en omgee.”
In ‘n vorige plasing het die aktrise gesê hulle kan nie wag vir Karoo se opwagting nie en hoe geseënd hulle gedurende 2024 was. Sy het ook oor die seer gepraat om haar ma aan die dood te moes afstaan.
