Athol Fugard (92), wêreldbekende Suid-Afrikaanse dramaturg, akteur en regisseur, het Saterdagaand by sy huis in Stellenbosch gesterf.
Volgens Vriende van NALN, die Nasionale Afrikaanse Letterkundige Museum en Navorsingsentrum, is Fugard internasionaal vir Suid-Afrikaanse Engelse dramas erken. Van Fugard se werk is wêreldwyd opgevoer en sommige is in Afrikaans vertaal. Van sy werk sluit Boesman en Lena, Tsotsi, Road to Mecca en My children! My Africa! in. Meer as een van sy dramas is vir die silwerdoek verwerk.
Fugard is op Middelburg, in die Kaapprovinsie, in ‘n tweetalige huis gebore. Hy het gedurende sy jare in die vermaaklikheidsbedryf verskeie toekennings ontvang. Dit sluit ‘n Tony vir sy lewenswerk in New York, ‘n Oscar vir Tsotsi, verering by die KKNK en ‘n burgerlike eerbewys van die Stad Kaapstad in. Fugard is deur menige as Suid-Afrika se grootste dramaturg beskou.
