LIMPOPO. – ‘n Ses maande oue baba het Saterdag in die sorg van ‘n 12-jarige-sib gesterf. Die ma van die kinders was glo sedert Donderdag reeds weg, na bewering om te drink.
Kol. Malesela Ledwaba sê Apel-polisie is Saterdag omstreeks 23:00 na ‘n klagte in Atok-woonbuurt in die Sekhukhune-distrik waar op die lewelose liggaam van die baba afgekom is. Die ma het die baba glo reeds omstreeks 09:00 Donderagoggend in die sorg van die sib gelos.
Ledwaba sê ‘n vrou (23) is intussen vir kinderverwaarlosing in hegtenis geneem. Lt.genl. Thembi Hadebe het die insident sterk veroordeel. Die verdagte verskyn vandag op aanklagte in die Sekhukhune-landdroshof.
