WES-KAAP. – Husain Mukadam (72) is Dinsdagoggend ná middernag tydens ‘n huisroof in President Brandstraat in Parow oorlede.
Volgens sers. Wesley Twigg het verdagtes die huis binnegedring terwyl die gesin geslaap het, waarna hulle vasgebind is. ‘n Televisiestel word vermis.
Die oorledene se seun het agterdogtig geraak toe sy pa nie opdaag om sy kleinkinders skool toe te neem nie, en het toe die gesin vasgebind gevind.
Die polisie ondersoek nog die presiese oorsaak van sy dood. Enigiemand met inligting oor die voorval word gevra om die polisie te kontak.
Bronne: SAPD en Cape Town Etc.
