KWAZULU-NATAL. – ‘n Bejaarde vrou is verlede Donderdag tydens ‘n huisroof aangerand. Sy en haar huiswerker is by haar huis in Deepdalerylaan, Avoca oorval.
Swift Private Security het oproepe van ‘n huisroof ontvang. Met aankoms is aan reaksiebeamptes verduidelik vier gewapende verdagtes het in ‘n grys VW Polo opgedaag, die eiendom binnegegaan en die huis geplunder. Die booswigte het met juwele en ander besittings van die toneel gevlug.
‘n Reaksiebeampte van ‘n ander maatskappy het tydens die huisroof opgedaag en die verdagtes gekonfronteer, waarna hy ook beseer is en sy vuurwapen en ander besittings gesteel is.
‘n Ambulans is ontbied om die bejaarde vrou en sekuriteitsbeampte te behandel. Berading is vir die familie gereël.
Greewood Park-polisie ondersoek die voorval.
Bron: Swift Private Security
Volg FiND iT se Facebookblad hier en klik hier om ons app af te laai. Klik hier vir vandag se nuutste nuus. As jy Afrikaanse Nuus op die Moya App wil lees, volg die skakel
