KWAZULU-NATAL. – Die bestuurder en enigste insittende van ‘n ligte motorvoertuig het gesterf toe die voertuig van ‘n brug af gestort het.
IPSS Medical Rescue sê laat Donderdagaand is berig ontvang van ‘n voertuigongeluk op die N2 naby die Sibayabrug. Met aankoms op die toneel is slegs die een insittende in die voertuig aan die onderkant van die brug aangetref.
Die man het noodlottige beserings opgedoen en is op die toneel dood verklaar.
Die oorsaak van die ongeluk vorm deel van die polisie se ondersoek
