NEDERLAND – Sjaak Lucassen, ’n avonturier van Europa, beplan om met sy aangepaste Yamaha-sportfiets oor die bevrore see-ys met ’n slee vol voorraad na die Noordpool te ry.
Lucassen het al regoor die wêreld op sy 2001 Yamaha R1 gery, maar hy moes verskeie veranderinge aan sy motorfiets aanbring om die reis moontlik te maak, berig Visor Down, ’n motorfiets-tydskrif.
Lucassen het ’n sleepwa gebou en gebruik spesiale olie wat nie in uiterste lae temperature sal vries nie.
Volgens die berig gaan Lucassen die reis in drie dele opdeel om dit makliker vir hom te maak.
Kyk op Lucassen se Facebook-blad en webwerf om op datum te bly met sy reis.
