KWAZULU-NATAL. – Vier beweerde afpersers is kort gelede tydens ‘n skietery in Dumisani Makhaya-rylaan deur die polisie doodgeskiet.
Konst. Thenjiswa Ngcobo sê die misdaadtoneel is aktief. Meer inligting volg nader.
KZN VIP Protection Services sê die ingang na Duffsstraat is toegemaak. Motoriste word aangeraai om van alternatiewe roetes gebruik te maak om kinders van skole te kry.
“Terwyl die situasie deur die toepaslike owerhede hanteer word, raai ons alle inwoners in die area aan om waaksaam te bly en versigtig te wees. Vermy asseblief die omgewing tot verdere kennisgewing.”
