GAUTENG. – Die Demokratiese Alliansie (DA) gaan vandag ’n klag teen die passasierspooragentskap van Suid-Afrika (Prasa) vir beweerde wanbesteding van belastinggeld by die nasionale kantoor van die openbare beskermer indien.
Die klagte volg nadat oorsig-inspeksiebesoeke by Prasa-persele gedoen is en bewyse van ’n R3,5 miljard-skandaal aan die lig gekom het. Die geld is openbare belastinggeld wat glo misbruik en verkeerd bestee is.
Thambi Mabhena, die DA se adjunkwoordvoerder van vervoer, sal die klag om 13:00 by die openbare beskermer se kantoor in Lunnonstraat 175, Hillcrest Office Park, Pretoria, aanhangig maak.
