GAUTENG. – Drie persone het Saterdagaand gesterf toe daar omstreeks 21:00 vanuit ‘n voertuig op ‘n groep jong mans buite ‘n moskee in Uitbreiding 1, Eldorado Park, geskiet is.
Kapt. Tintswalo Sibeko, provinsiale polisiewoordvoerder, sê in ‘n verklaring aan Nuusflits na bewering het drie verdagte mans in ’n wit Audi op ’n groep van nege jong mans geskiet wat buite ‘n moskee gestaan het. Drie mans is noodlottig gewond en een is met beserings na ‘n hospitaal gehaas.
Die motief agter die voorval is tans onbekend.
“Die polisie doen ’n beroep op enigiemand met inligting om na vore te kom en die ondersoek te help.”
Het jy kommentaar oor die berig? Jy kan nou aan Nuusflits lesersbriewe skryf en dalk word joune gepubliseer. Rig jou brief aan die redakteur by [email protected]
