Drie verdagte ‘huisrowers’ in spore gestuit

Lees ook :

Foto's: SAPD

VRYSTAAT. – Drie vermeende huisrowers is Woensdagmiddag in Fauna te danke aan die vinnige reaksie van die polisie in hulle spore gestuit.

Sers. Mahlomola Kareli sê die slagoffer (60) se seun (33) was omstreeks 14:30 in die kamer buite die hoofhuis waar hy bly. Drie verdagtes het hom oorval, met ‘n vuurwapen gedreig, vasgebind en van ‘n selfoon beroof. Die verdagtes het na bewering daarna vir die seun se ma gewag om huis toe te kom. Sy is ook met ‘n vuurwapen gedreig en gedwing om die hoofhuis oop te sluit. In die slaapkamer is sy van haar selfoon, geld en sleutels beroof.

Terwyl die huis geplunder is, het die slagoffer se seun daarin geslaag om homself los te maak en het na die bure gevlug waar hy hulp ontbied het. Parkweg-polisie, privaat sekuriteit, Bloemfontein se honde-eenheid, teen-bende-eenheid en berede eenheid het dadelik reageer en een van die verdagtes met die ongelisensieerde vuurwapen in die badkamer in hegtenis geneem. Die ander twee verdagtes, wat te voet gevlug het, is ook in hegtenis geneem. Gesteelde goedere is in hulle besit gevind.

Kareli sê die verdagtes, 31 en 32 jaar oud, van wie een ‘n onwettige immigrant, sal binnekort vir huisroof in die Bloemfontein-landdroshof verskyn.

Detecting your platform...

Klik hier om ons toep af te laai Nuusflits App