OOS-KAAP. – ‘n Familie van vyf is vanoggend vroeg in ‘n huisbrand in Jackstraat, Missionvale, dood.
Kapt. Sandra Janse van Rensburg sê Algoa Park-polisielede is omstreeks 00:30 na ‘n klagte van ‘n huis wat brand. Met aankoms was die huis in vlamme gehul. Nadat die vlamme geblus is, is die liggame van twee volwassenes en drie kinders gevind.
Die polisie het ‘n geregtelike doodsondersoek geopen.
“Die oorsaak van die brand is op die oomblik onbekend, maar die ondersoek is aan die gang.”
Gemene spel word nie vermoed nie.
