NOORD-KAAP. – Nababeep-polisie ondersoek ‘n saak van strafbare manslag nadat hoërskoolleerlinge Saterdag in ‘n ongeluk betrokke was. Twee persone het gesterf en drie is kritiek beseer.
Sers. Timothy Sam sê die ongeluk het op die Okiep/Nababeeppad gebeur. Voorlopige ondersoek dui op ‘n Toyota Avanza wat hoërskoolleerlinge van ‘n rugbywedstryd in Nababeep vervoer het. Die bestuurder het glo beheer oor die voertuig verloor, waarna een insittende op die toneel dood verklaar is. Die bestuurder het ook later in Springbok-hospitaal aan sy beserings gesterf. Drie ander insittendes is ‘n ‘n krietieke, maar stabiele toestand in die hospitaal.
Sam sê die ondersoek na die omstandighede wat tot die tragiese verlies van lewens gelei het, duur voort.
