KIMBERLEY. – FiND iT het deur die West End-area gery en op baie straatligte afgekom waarvan die drade uithang of heeltemal ontbloot is. Daar is ook straatligte se drade wat reeds afgeknip is.
’n Inwoner het aan FiND iT gesê sy is bekommerd oor al die drade wat ontbloot is en die gevare wat dit vir mense inhou. “Die drade is oop en kinders kan hulleself doodskok.”
Talle van die straatligte in Andersonweg en St Augustinestraat se drade is ontbloot of afgeknip.
Sello Matsie, woordvoerder van die Sol Plaatje-munisipaliteit, is gekontak, maar het teen druktyd nog geen kommentaar gelewer nie.
