NOORDWES. – Die kindermoordenaar Itumeleng Mbombo (21) is Dinsdag deur die Atamelang-streekshof tot 15 jaar gevonnis nadat hy sy meisie se seun, Gosiame Ferris (8), doodgemaak het.
Brig. Sabata Mokgwabone sê Mbombo is dadelik op 22 Augustus 2023 in hegtenis geneem toe Delareyville-polisie na die toneel ontbied is waar Ferris in ‘n vlak graf begrawe is. Die graf is buite ‘n shack in Sonderwater-seksie, Vrisgewacht-woonbuurt gevind. Die nadoodse ondersoek het bevind die seun is verwurg voordat hy begrawe is.
Buiten tronkstraf is Mbombo onbevoeg verklaar om ‘n vuurwapen te besit.
