Brekende Nuus
Nuus

Kring om die son in Johannesburg en Pretoria opgemerk

Foto: Soos ontvang, fotograaf onbekend

GAUTENG. – Mense in Johannesburg en Pretoria het Maandagoggend 16 November ’n groot ligkring om die son opgemerk en foto’s daarvan op sosiale media gedeel. Die kring op die foto’s lyk soos ’n sonligkrans (sonhalo).

’n Sonhalo is ’n groot ligkring wat om die son verskyn wanneer sonlig deur klein yskristalle in dun, hoë wolke beweeg en van rigting verander. Die verskillende kleure in die sonlig buig effens verskillend, daarom kan die kring wit of ligte reënboogkleure vertoon. By die algemeenste soort is die hoek tussen die middelpunt van die son en die kring sowat 22 grade, vandaar die naam 22°-sonhalo. ’n Reënboog vorm weer wanneer sonlig in waterdruppels gebreek en weerkaats word, en verskyn oorkant die son. Die hoë wolke wat ’n sonhalo moontlik maak, kan ’n naderende weerfront aandui, maar die kring alleen voorspel nie of dit plaaslik gaan reën nie.

Volgens die Britse Met Office vorm ’n sonhalo wanneer sonlig deur klein yskristalle in hoë, dun cirrus- of cirrostratuswolke beweeg. Die seskantige kristalle buig die lig sodat dit van die grond af soos ’n kring om die son lyk. Maanlig kan op dieselfde manier ’n kring om die maan vorm. Die Britse Met Office sê halo’s van ander groottes kan ook vorm, afhangend van die vorm en ligging van die yskristalle.