GAUTENG. – Kruisies is ook deur Nuusflits-redaksielede by stemstasies landswyd getrek. Hierdie verslaggewer het by Laerskool Haakdoornboom in die noorde van Pretoria in die ry ingeval.
Sy het om 10:30 by die stemlokaal aangekom en 13:15 vertrek.
Terwyl van die bejaardes flink uit die rye gehaal is om eerste te stem, het ander gesellig in die ry met bekendes en vreemdelinge gesels.
Haakdoornboom is ‘n landelike gebied wat uit plotte en kleinhoewes bestaan. Om in die landelike gebied te stem, het gepaardgegaan met rustigheid en die geluid van skape wat blêr.
