MPUMALANGA. – Die polisie het ’n ondersoek van stapel gestuur nadat 10 Buscor-busse in die vroeë oggendure by ’n busdepot in Barberton uitgebrand is.
Luidens ‘n verklaring deur brig. Donald Mdhluli het een bus volgens aanduidings omstreeks 01:00 aan die brand geraak. Veiligheidspersoneel het hulp en brandbestryding ontbied. Nog nege busse het aan die brand geraak. Die oorsaak van die brand is tans onbekend en vorm deel van ’n formele ondersoek. Die polisie sê geen moontlikhede kan in hierdie stadium uitgesluit word nie.
Enigiemand met relevante inligting word gevra om met die polisie in aanraking te kom.
