‘n Slaggat op die N1 tussen Kroonstad en die Vaal-tolhek het motoriste wat in die donker en in die reën niksvermoedend daardeur gery het, aansienlike skade laat ly.
Dr. Dirk Hermann, die bestuurshoof van Solidariteit, sê sy dogter is een van die jongste slagoffers en hy waarsku ander motoriste om versigtig te wees. Hermann het ‘n band van Pretoria af tot by sy dogter geneem en in die kort tydjie wat hy daar was, elf motoriste teëgekom wat dieselfde lot getref het.
“My dogter-hulle het ‘n slaggat, in gietende reën, op die N1 tussen Kroonstad en die Vaal-tolhek getref. Twee wiele afgeskryf. Ek het nou wiel van Pretoria af gebring. Hier staan 11 karre, met pap bande, wat die reuse slaggat getref het. Hier moes al vele meer gewees het en gaan nog wees. Die minste wat ons wil hê vir die duur tolgeld, wat ek nou weer moet betaal, is ‘n pad sonder gate. Wees bitter versigtig as jy die pad ry.”
Het jy kommentaar oor die berig? Jy kan nou aan Nuusflits lesersbriewe skryf en dalk word joune gepubliseer. Rig jou brief aan die redakteur by [email protected]
