LIMPOPO. – Die liggaam van ’n man is in Makhado gevind, maar kan weens die gevorderde stadium van ontbinding nie positief geïdentifiseer word nie. Dit is vermoedelik die liggaam van Reuben Marsberg.
Polisiewoordvoerder, brig. Hlulani Mashaba, sê aan Nuusflits die liggaam is ontdek en dat verdere ontleding nodig is om die identiteit te bevestig.
Mike Bolhuis van Specialises Security Services bevestig die liggaam van Reuben Marsburg (22) is Vrydag, 12 Desember, gevind nadat hy op 26 November spoorloos verdwyn het. Bolhuis sê die organisasie betuig sy simpatie met die Marsburg-gesin en vriende. Hy doen voorts ‘n beroep op die publiek en media om die familie die nodige privaatheid en ruimte te gun terwyl hulle treur.
