WES-KAAP. – Anabela Rungo, Chidimma Adetshina se ma, is steeds in Pollsmoor-gevangenis in aanhouding nadat sy verlede Saterdag gearresteer is. Adetshina het in 2024 aan Mej. SA deelgeneem en onttrek toe Rungo se nasionaliteit bevraagteken is, waarna sy as Mej. Nigerië gekroon is.
Eric Ntabazalila, woordvoerder vir die NVG, sê die saak teen Rungo is vir argumente van haar borgaansoek tot 26 Februarie uitgestel. Ntabazalila sê beide die staat en die verdediging sal betooghoofde vir die borgaansoek by die hof indien. Rungi het Vrydag in die Kaapstad-landdroshof verskyn waar sy op aanklagte vir die oortreding van die immigrasiewet, sowel as die identifikasiewet, teregstaan.
Rungo is deur die departement van binnelandse sake in hegtenis geneem nadat Rujngo se SA-dokumentasie in September 2024 teruggetrek is, omdat dit glo op ‘n bedrieglike manier verkry is. Mej. Nigerië se minderjarige kind het by Rungo in Kaapstad gebly. ‘n Ondersoek word ook deur die Valke gedoen.
Lees meer hier onder:
