WES-KAAP. – ’n Ma (35) het Dinsdag op ‘n aanklag van poging tot moord op haar dogter (6) in die Knysna-landdroshof verskyn. Haar dogter (6) is glo Sondag met ‘n draad by hul woning in Kraaibosch, buite Knysna, gewurg.
Sers. Christopher Spies, die polisiewoordvoerder in die Tuinroete, sê die ma is steeds in aanhouding. Die saak is vir ‘n formele borgtogaansoek tot 2 Junie uitgestel.
Die saak word deur die George se eenheid vir gesinsgeweld, kinderbeskerming en seksuele misdrywe ondersoek.
Het jy kommentaar oor die berig? Jy kan nou aan Nuusflits lesersbriewe skryf en dalk word joune gepubliseer. Rig jou brief aan die redakteur by [email protected]
