Lees ook: Nog grondboontjiebotter van rakke verwyder
MADAGASKAR. – Die parlement in Madagaskar het ’n wetsontwerp aanvaar om diegene wat skuldig bevind word aan die verkragting van ’n minderjarige te kastreer.
Madagaskar se president, Andry Rajoelina, wat die wet in Desember voorgestel het, moet nog die wetsontwerp teken om dit amptelik te maak.
Die justisieminister het gesê dit is ’n noodsaaklike stap, aangesien 600 sake van kinderverkragting verlede jaar aangemeld is en 133 net in Januarie vanjaar.
Verdagtes wat skuldig bevind word aan die verkragting van ’n kind onder 10 sal deur middel van chirurgie gekastreer word. Diegene wat skuldig bevind word aan die verkragting van kinders tussen 10 en 13 sal óf chirurgies óf chemies gekastreer word. Dié wat minderjariges tussen 14 en 17 verkrag, sal chemies gekastreer word.
Bronne: The Independent, AP News, Sky News
