VRYSTAAT. – ‘n Man (44) is Dinsdagogend omstreeks 07:00 op pad werk toe in Heidedal noodlottig geskiet.
Sers. Sinah Mpakane, polisiewoordvoerder, sê in ‘n verklaring die slagoffer wou saam met sy broer ’n spoorlyn by East End oorsteek. Hulle het ’n man, geklee in ‘n hoodie, op die sypaadjie sien staan. Toe hulle verby die man was, het hy die oorledene in die rug geskiet. Toe die oorledene val, het die verdagte hom nog twee keer in die kop geskiet, waarna hy weggehardloop het. Die slagoffer is op die toneel dood verklaar.
Die polisie versoek enigiemand met relevante inligting om die verdagte op te spoor om kapt. JJ Wilson 082 455 5968 of 061 501 8007 te bel.
