GAUTENG. – Ntombenhle Mzima (5) se lewelose liggaam met oop steekwonde is op Nuwejaar in bosse in Bluegumville, in Duduza, aan die Oos-Rand, ontdek.
Kol. Dimakantso Nevhuhulwi sê die moord word deur die polisie ondersoek.
Enigiemand met relevante inligting om die skuldiges op te spoor, word gevra om na vore te kom.
Volgens Women For Change is die jong meisie die laaste keer lewendig gesien toe sy die oggend by ‘n maat gaan speel het. Die gemeenskap het op haar liggaam afgekom en het haar familie ingelig. Sy is glo ook verkrag. ‘n Man wat ondervra is, is laat gaan.
