GAUTENG. – Metamfetamien met ‘n straatwaarde van R6 m. is Vrydag op OR Tambo Internasionale Lughawe in ‘n snoekertafel versteek gekry. Die besending was glo vir Australië bedoel.
Brig. Athlenda Mathe sê inligting is ontvang en ‘n operasie is geloods, waarna die besending onderskep en gekonfiskeer is. Alle leidrade word opgevolg om die oorsprong van die dwelms op te spoor en ook om vas te stel wie die besending vir invoer afgelewer het.
Alhoewel geen arrestasies gemaak is nie, gaan die ondersoek voort.
