GAUTENG. – Bellermine Chatunga Mugabe (28) en sy medebeskuldigde, Tobias Tamirepi Matonhodze (33), het in die Alexandra-landdroshof skuldig gepleit op verskeie aanklagte ná ’n gewelddadige voorval in Hyde Park.
Magaboke Mohlatlole, NVG-woordvoerder, sê Mugabe het skuldig gepleit op oortreding van die immigrasiewet en die rig van ’n vuurwapen, terwyl Matonhodze skuldig gepleit het op poging tot moord, onwettige besit van ’n vuurwapen en ammunisie, dwarsboming van die gereg en oortreding van die immigrasiewet. Die voorval het op 19 Februarie by Mugabe se woning plaasgevind waar ’n veiligheidsbeampte glo aangerand is en in die rug geskiet is toe hy probeer vlug het. Hy is later deur ’n ander wag gevind, wat die polisie ontbied het.
Die saak is vir vonnisoplegging tot 24 April uitgestel.
