VRYSTAAT. – Die polisie het die name van die agt insittendes van ‘n bakkie – grootouers en hulle kleinkinders, asook ‘n kollega en sy gesin – wat deur ‘n stroom in Heilbron meegesleur en oorlede is, is bekendgemaak.
Kapt. Loraine Earle sê die oorledenes is op 2 Maart as vermis aangemeld, nadat die bakkie waarin hulle gery het die Kliprivierlaagwaterbrug wou oorsteek en deur ‘n sterk stroom meegesleur is. ‘n Soektog is geloods en die liggame is op 3 Maart gekry.
Die oorledenes is as Ditaba Isaac Mazibuko, bestuurder (71), Modiehi Elizabeth Mazibuko (62), sy vrou, Refilwe Jwalane Monyatsi (14), kleindogter, Luyanda Zengele (10), kleinseun, Sibusiso Brain Zengele (12), kleinseun, Patrick Mquega (34), kollega van bestuurder, Nthabiseng Agnes Toba (33), kollega se vrou en Angela Toba (2), dogter van die kollega en sy vrou, geïdentifiseer.
