VRYSTAAT. – Die Parkweg-polisie het nege verdagtes in hegtenis geneem nadat twee video’s op sosiale media versprei is van ‘n groep aanvallers wat niksvermoedende slagoffers in Bloemfontein se stedelike gebied beroof.
Sers. Mahlomola Kareli sê die verdagtes het die slagoffer beroof, terwyl daar deur omstanders toegekyk is. Die video is onder die aandag van misdaadvoorkomingslede aan diens gebring. Daarna is drie verdagtes gearresteer, insluitend ‘n verdagte wat glo die geroofde goedere aangekoop het.
Met ‘n wenk van die gemeenskap is nog drie addisionele verdagtes gearresteer. Nog drie verdagtes is verder met behulp van ‘n wenk deur die distriktaakspan in hegtenis geneem.
Die nege verdagtes sal Maandag op agt aanklagte van roof met verswarende omstandighede in die Bloemfontein-landdroshof verskyn. Die ondersoek duur voort en meer aanklagte kan moontlik bygevoeg word.
Lees meer en kyk die video hier onder:
Het jy kommentaar oor die berig? Jy kan nou aan Nuusflits lesersbriewe skryf en dalk word joune gepubliseer. Rig jou brief aan die redakteur by [email protected]
