Faf de Klerk en Miné van Niekerk verwag weer ‘n babadogtertjie.
Dié aankondiging is pas op Instagram, op Miné se verjaarsdag, gedoen: “Verrassing! Ons brei die De Klerk-span uit! Groot Sussie Plig: Kies die Faffie van ons nuwe spanmaat ……nog ’n dogtertjie op pad.”
Die egpaar het in ‘n video-opname van die aankondiging blou en pienk “Faffie’s” vasgehou en kleinsus Remi die regte kleur laat kies.
Faf het sy vrou ‘n gelukkige verjaarsdag toegewens: “Gelukkige verjaarsdag aan my vrou @minevanniekerk. Dankie vir alles wat jy vir ons doen. Mag God jou hierdie jaar veilig hou en al jou drome waar maak. Ek en Remi-Ré is werklik geseënd. Op baie meer avonture saam. Ek is lief vir jou, my skat.”
Handré Pollard se vrou, Marise, het gesê: “Yeayyyyyy!!! Ek is so opgewonde”
Anlia Etzebeth, Eben se vrou, het gereageer met: “Nog ‘n bestie!!!”
Het jy kommentaar oor die berig? Jy kan nou aan Nuusflits lesersbriewe skryf en dalk word joune gepubliseer. Rig jou brief aan die redakteur by [email protected]
