KWAZULU-NATAL. – ‘n Pa en sy twee kinders, onderskeidelik 7 en 5 jaar oud, is Maandagoggend net na 06:00 in ‘n tromp-op botsing beseer.
Midlands EMS sê die diens is na ‘n ongeluk op die R617-pad tussen Merrivale en Mpophomeni ontplooi.
Twee voertuie was in die tromp-op botsing betrokke. ‘n Pa en twee kinders is ernstig beseer en is op die toneel behandel, voordat hulle vir verdere mediese behandeling na ‘n nabygeleë privaat hospitaal geneem is.
“Owerhede was op die toneel teenwoordig.”
