LIMPOPO. – ‘n Pa (43) is op borgtog van R3 000 deur die Thabazimbi-landdroshof vrygelaat, nadat sy 11-jarige seun glo Saterdag per ongeluk ‘n werker op ‘n plaas doodgeskiet het.
Kol. Malesela Ledwaba, polisiewoordvoerder, sê in ‘n verklaring die pa is vir die nalatige hantering van ‘n vuuwapen in hegtenis geneem en aangekla. Borgtog is aan hom toegestaan en die saak is vir verdere ondersoek tot 12 Desember uitgestel.
Die seun sal intussen ingevolge die bepalings van die Kinderregtewet ‘n asseseringsproses ondergaan.
Die identiteit van die vader word weerhou om die minderjarige se identiteit te beskerm.
