VRYSTAAT. – ‘n Pa (32) wat sy seun verkrag het, is deur die hof tot 18 jaar tronkstraf gevonnis.
Kapt. Loraine Earle sê die seun het op 17 September 2023 omstreeks 22:00 aan sy ma vertel en gedemonstreer hoe sy pa hom seermaak. Die ma het haar seun vir ‘n mediese ondersoek geneem en verkragting is bevestig.
‘n Saak is deur Bloemspruit-polisie oopgemaak en is deur sers. Evodia Maseko van die Mangaung-GKS ondersoek. Maseko het met adv. Louis York van die NVG gekonsulteer, waarna die verdagte in hegtenis geneem is.
Die vonnis van 18 jaar vir die verkragter is met die samewerking van die polisie en NVG verseker.
