WES-KAAP. – Thembelani Gqum en Ayazolo Fulu word deur speurders van die eenheid vir ernstige en geweldsmisdaad gesoek. Hulle word vermoedelik aan vyf moorde en vier pogings tot moord wat op 26 Maart 2023 in Cosastraat in Khayelitsha gepleeg is, gekoppel.
Anelisiwe Manyana, polisiewoordvoerder, sê die publiek se hulp word gevra om hulle op te spoor. Die hof het lasbriewe vir die inhegtenisneming vir die twee verdagtes uitgereik.
Speurders werk onverpoos om hulle vas te trek.
Enigiemand met inligting oor waar die verdagtes hulle bevind, word gevra om 071 673 1743 of 082 850 9725 te bel. Inligting sal vertroulik hanteer word.
