President Cyril Ramaphosa het ’n 63-bladsy hersieningsaansoek by die Wes-Kaapse hooggeregshof ingedien om die Artikel 89-verslag van ‘n onafhanklike paneel oor die Phala Phala-saak tersyde te stel.
Die paneel, gelei deur Sandile Ngcobo, het bevind daar is prima facie-bewyse dat Ramaphosa moontlik sy ampseed oortree het. Ramaphosa voer egter aan dat die paneel op onvoldoende en indirekte getuienis staatgemaak het, en dat sekere inligting moontlik onregmatig bekom is. Ramaphosa het vroeër aangedui dat hy nie sal bedank nie en dat hy sy reg gebruik om die verslag te laat hersien. Die hof sal nou eers oor die geldigheid van die paneelverslag moet beslis, wat die verloop van die afsettingsproses kan beïnvloed.
Die hofstappe volg op bevindings deur die onafhanklike paneel, onder leiding van voormalige hoofregter Sandile Ngcobo, dat daar prima facie-bewyse is dat Ramaphosa moontlik sy ampseed oortree het en in ’n botsing van belange betrokke kan wees. Die saak spruit uit die diefstal in 2020 van buitelandse valuta op die president se Phala Phala-wildsplaas in Limpopo.
Terselfdertyd het die speaker, Thoko Didiza, die lede van die afsettingskomitee aangekondig. GOOD en die PAC neem nie deel nie.
Lede van die komitee:
ANC: DE Mpapane, X Nqola, MS Lekganyane, AF Muthambi, CM Dugmore, DR Direko, BM Maneli, MG Mahlaule, LS Makhubela, KJ Maimela (alternatief)
DA: G Michalakis, BB Nodada, G Breytenbach, KL Khakhau, NK Sharif
MK Party: MJ Hlophe, SMN Mokoena-Zondi, K Litchfield-Tshabalala
EFF: JS Malema, OMC Maotwe
IFP: NM Hadebe
Patriotic Alliance: MV Daniels
VF Plus: WW Wessels
ActionSA: LM Ngobeni, RAP Trollip (alternatief)
ACDP: SN Swart
UDM: NLS Kwankwa
Rise Mzansi: SM Gana
BOSA: MA Maimane
ATM: V Zungula
Al-Jama-ah: I Ismail-Moosa
National Coloured Congress: F Adams
United Africans Transformation: LW Mahlatsi
Bronne: eNCA, Jacaranda FM News, Pretoria FM News
Lees ook meer hier onder:
