Nkosazana Dlamini-Zuma, minister van samewerkende regering en tradisionele sake, het Donderdag die nuwe regulasies ingevolge reisvakansies, oefentye en verblyf bekendgemaak.
Jy mag tussen 06:00 en 18:00 oefen, maar in groepe van nie meer as vier mense nie. Gimnasiums bly steeds gesluit, buiten geriewe wat vir professionele atlete vir oefening gebruik word.
Jy mag nog nie met vakansie gaan nie. Reis vir ontspanningsdoeleindes word nog nie toegelaat nie.
Verblyf is oop, maar akkommodasie-instellings wat nie formeel geakkrediteer is nie, soos private huise vir betaalde ontspanningsverblyf bly steeds gesluit. Verblyf is net oop vir sakereisigers, sê Mmamoloko Kubayi-Ngubane, minister van toerisme.
Strande en parke bly gesluit.
