GAUTENG. – ’n Seun (6) het Sondag in ’n dam op ’n kleinhoewe in Nigel verdrink.
Craig Lambinon, NSRI-woordvoerder, sê luidens ‘n verklaring van Nicholas Wood, NSRI-Gauteng se stasiebevelvoerder, is die diensbemanning omstreeks 19:20 geaktiveer nadat berigte van ‘n verdrinking ontvang is. ‘n NSRI-voertuig, reddingskano en swemmer is na die toneel gestuur. Die polisie, sowel as die polisie se water-en-duikeenheid, asook die Gauteng-nooddienste, is ook na die toneel waar bevestig is die kind het onder die water verdwyn terwyl hy geswem het.
’n Polisieduiker het die kind se liggaam uit die dam gehaal. Die liggaam is aan die polisie en forensiese patologiedienste oorhandig. ’n Geregtelike doodsondersoekdossier is geopen.
