WENE. – ’n Siriese burger is deur Duitse owerhede aangekla oor ’n komplot waarin ’n terreurgroep verlede Augustus ’n Taylor Swift-konsert in Wene deur ‘n aanval wou ontwrig.
Lees ook: Justin Baldoni onttrek dagvaarding teen Taylor Swift
Mohamed A, glo nog ’n minderjarige, is aangekla daarvan dat hy ’n terreurgroep ondersteun het en ’n verdagte gehelp het om vir die aanval voor te berei. Hy het glo die aanvaller gehelp om bombou-instruksies uit Arabies te vertaal en hom aanlyn in kontak geplaas met ’n lid van die Islamitiese Staat-groep.
Verskeie verdagtes is verlede jaar oor die komplot in hegtenis geneem ná Swift se drie konserte wat In Wene sou plaasvind, gekanselleer is.
Mohamed A is in hegtenis geneem nadat die polisie toestemming gekry het om die verdagtes se boodskappe dop te hou om nog aanvalle te stop.
Bronne: BBC, US News, Straits Times
Lees ook: Taylor Swift se Wene-konsert gekanselleer weens vrees vir terreur
