ATHLONE, WES-KAAP. – ’n Meisie (16) is Vrydag dood toe sy in die spervuur van bendeskietery beland het.
Volgens kol. André Traut is verskeie skote rondom 12:30 in Canalweg, Athlone, afgevuur waartydens ’n man (20) dood is. Die skoolmeisie is ook getref terwyl sy by Hoërskool Belgravia in Vleiweg se hekke vir vervoer gewag het.
Die verdagtes het vanaf die toneel gevlug. Volgens kol. Traut was dit twee opponerende bendes wat by die skietvoorval betrokke was.
Enigiemand wat inligting oor die voorval het, word aangemoedig om die misdaadvoorkomingsnommer 08600 10111 te skakel.
Bron: SAPD
