Lees ook: Donald Trump dreig Brics-lande met 100% tariewe oor VSA-dollar
WASHINGTON, VSA.- Die Amerikaanse president Donald Trump het oor die naweek tariewe teen Kanada, China en Mexico ingestel.
Die drie lande het die besluit gekritiseer en gesê hulle gaan vergeldende stappe teen die VSA neem. Kanada en Mexico is van plan om tariewe op Amerikaanse produkte in te stel. China het gesê dit gaan ’n hofsaak by die Wêreldhandelsorganisasie (WHO) aanhangig maak en die “nodige stappe neem”.
Trump het ’n 25%-tarief op goedere van Mexico en Kanada ingestel, behalwe op Kanadese energieprodukte, waarop ’n 10%-tarief ingestel is. Op goedere vanaf China geld ‘n 10%-tarief.
Volgens Trump word die tariewe ter beskerming van Amerikaners ingestel. Hy het gesê Amerika moet beskerm word teen die invloei van “dodelike dwelms” soos fentaniel, asook ongedokumenteerde immigrante.
Bronne: NBC News, CNN, Sky News
Lees ook: Donald Trump dreig Brics-lande met 100% tariewe oor VSA-dollar
