DURBAN – Twee polisielede is deur die polisie se onafhanklike polisieondersoekdirektoraat (Opod) in hegtenis geneem in verband met die skietdood van Nathaniel Julies (16).
Hulle sal van moord en moontlik regsverydeling aangekla word. Meer besonderhede rakende die verskyning in die landdroshof op Protea sal later bekend gemaak word.
Bheki Cele, minister van polisie, het die gebied besoek. Woedende inwoners het Cele by Nathaniel se ouerhuis ingewag en op hom begin skree.
Die polisie beweer Nathaniel is in ’n kruisvuur van strydende bendes getref, maar ooggetuies vertel Nathaniel het alleen langs die vragmotor gestaan toe ’n polisielid hom doodgeskiet het.
Volg Find-It hier.
