KWAZULU-NATAL. – Twee seuns, onderskeidelik 6 en 10 jaar oud, is Woensdag op die N2 naby Amatikulu dood nadat hulle en hul swanger ma deur ’n voertuig getref is.
Samantha Meyrick van IPSS Medical Rescue sê die ma en haar kinders het huis toe gestap, toe hulle getref is. Dié diens het hulle na die toneel gehaas, waarna die kinders weens die erns van hul beserings op die toneel dood verklaar is.
Die ma is kritiek beseer en is deur gevorderde lewensondersteunende paramedici gestabiliseer voordat sy na ‘n hospitaal vervoer is.
